นกุสโล จ นอกุสโล จ ธมฺมา กุสลสฺส ธมฺมสฺส อารมฺมณปจฺจเยน ปจฺจโย… ตีณิฯ (สํขิตฺตํฯ)

[9] เหตุยา อฏฺฐารส, อารมฺมเณ อฏฺฐารส, อธิปติยา เตวีส…เป.… อวิคเต ทฺวาวีสฯ (ปญฺหาวารํ วิตฺถาเรตพฺพํฯ)

2. เวทนาตฺติกํ

1-7. ปฏิจฺจวาราทิ

[10] นสุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นสุขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (3)

นทุกฺขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นทุกฺขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นทุกฺขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (3)

นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ (3) (สํขิตฺตํฯ) เหตุยา เอกวีส, อธิปติยา เอกวีส…เป.… อวิคเต เอกวีสฯ

3. วิปากตฺติกํ

1-7. ปฏิจฺจวาราทิ

[11] นวิปากํ ธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยาฯ นวิปากํ ธมฺมํ ปฏิจฺจ วิปากธมฺมธมฺโม อุปฺปชฺชติ เหตุปจฺจยา… ปญฺจฯ

นวิปากธมฺมธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยาฯ นวิปากธมฺมธมฺมํ ปฏิจฺจ เนววิปากนวิปากธมฺมธมฺโม อุปฺปชฺชติ เหตุปจฺจยา… ตีณิฯ

นเนววิปากนวิปากธมฺมธมฺมํ ปฏิจฺจ เนววิปากนวิปากธมฺมธมฺโม อุปฺปชฺชติ เหตุปจฺจยาฯ นเนววิปากนวิปากธมฺมธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยา… ปญฺจฯ เหตุยา ทฺวาวีสฯ

4. อุปาทินฺนตฺติกํ

1-7. ปฏิจฺจวาราทิ

[12] นอุปาทินฺนุปาทานิยํ ธมฺมํ ปฏิจฺจ อนุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิฯ

นอนุปาทินฺนุปาทานิยํ ธมฺมํ ปฏิจฺจ อนุปาทินฺนุปาทานิโย ธมฺโม อุปฺปชฺชติ เหตุปจฺจยา… ปญฺจฯ

นอนุปาทินฺนอนุปาทานิยํ ธมฺมํ ปฏิจฺจ อุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิฯ

นอุปาทินฺนุปาทานิยญฺจ นอนุปาทินฺนอนุปาทานิยญฺจ ธมฺมํ ปฏิจฺจ อนุปาทินฺนุปาทานิโย ธมฺโม อุปฺปชฺชติ เหตุปจฺจยาฯ เอกํฯ

นอนุปาทินฺนุปาทานิยญฺจ นอนุปาทินฺนอนุปาทานิยญฺจ ธมฺมํ ปฏิจฺจ อุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิฯ

นอุปาทินฺนุปาทานิยญฺจ นอนุปาทินฺนุปาทานิยญฺจ ธมฺมํ ปฏิจฺจ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิฯ เหตุยา อฏฺฐารสฯ

5. สํกิลิฏฺฐตฺติกํ

1-7. ปฏิจฺจวาราทิ

[13] นสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ นสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยาฯ นสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก จ อสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยาฯ ตีณิฯ

นอสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ปญฺจฯ

นอสํกิลิฏฺฐอสํกิเลสิกํ ธมฺมํ ปฏิจฺจ สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ

นอสํกิลิฏฺฐอสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ นอสํกิลิฏฺฐอสํกิเลสิกํ ธมฺมํ ปฏิจฺจ สํกิลิฏฺฐสํกิเลสิโก จ อสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยาฯ ตีณิฯ เหตุยา อฏฺฐารสฯ

6. วิตกฺกตฺติกํ

1-7. ปฏิจฺจวาราทิ

[14] นสวิตกฺกสวิจารํ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ เหตุปจฺจยาฯ นสวิตกฺกสวิจารํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ เหตุปจฺจยาฯ นสวิตกฺกสวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ เหตุปจฺจยา… สตฺตฯ

นอวิตกฺกวิจารมตฺตํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ เหตุปจฺจยา… สตฺตฯ

นอวิตกฺกอวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ เหตุปจฺจยา… สตฺตฯ เหตุยา เอกูนปญฺญาสฯ

7. ปีติตฺติกํ

1-7. ปฏิจฺจวาราทิ

[15] นปีติสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ เหตุปจฺจยา… จตฺตาริฯ

นสุขสหคตํ ธมฺมํ ปฏิจฺจ สุขสหคโต ธมฺโม อุปฺปชฺชติ เหตุปจฺจยา… จตฺตาริฯ

นอุเปกฺขาสหคตํ ธมฺมํ ปฏิจฺจ อุเปกฺขาสหคโต ธมฺโม อุปฺปชฺชติ เหตุปจฺจยาฯ นอุเปกฺขาสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ เหตุปจฺจยา… จตฺตาริฯ เหตุยา อฏฺฐวีสฯ

8. ทสฺสนตฺติกํ

1-7. ปฏิจฺจวาราทิ

[16] นทสฺสเนน ปหาตพฺพํ ธมฺมํ ปฏิจฺจ ภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ นทสฺสเนน ปหาตพฺพํ ธมฺมํ ปฏิจฺจ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ นทสฺสเนน ปหาตพฺพํ ธมฺมํ ปฏิจฺจ ภาวนาย ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยาฯ ตีณิฯ

นภาวนาย ปหาตพฺพํ ธมฺมํ ปฏิจฺจ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยาฯ นภาวนาย ปหาตพฺพํ ธมฺมํ ปฏิจฺจ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ นภาวนาย ปหาตพฺพํ ธมฺมํ ปฏิจฺจ ทสฺสเนน ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยาฯ ตีณิฯ

เนวทสฺสเนน นภาวนาย ปหาตพฺพํ ธมฺมํ ปฏิจฺจ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยาฯ นเนวทสฺสเนน นภาวนาย ปหาตพฺพํ ธมฺมํ ปฏิจฺจ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ปญฺจฯ (สํขิตฺตํฯ) เหตุยา อฏฺฐารสฯ

9. ทสฺสนเหตุตฺติกํ

1-7. ปฏิจฺจวาราทิ

[17] นทสฺสเนน ปหาตพฺพเหตุกํ ธมฺมํ ปฏิจฺจ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา… เหตุยา ฉพฺพีสฯ

10. อาจยคามิตฺติกํ

1-7. ปฏิจฺจวาราทิ

[18] นอาจยคามิํ ธมฺมํ ปฏิจฺจ อปจยคามี ธมฺโม อุปฺปชฺชติ เหตุปจฺจยา… เหตุยา อฏฺฐารสฯ

11. เสกฺขตฺติกํ

1-7. ปฏิจฺจวาราทิ

[19] นเสกฺขํ ธมฺมํ ปฏิจฺจ อเสกฺโข ธมฺโม อุปฺปชฺชติ เหตุปจฺจยา… เหตุยา อฏฺฐารสฯ

12-16. ปริตฺตตฺติกาทิ

1-7. ปฏิจฺจวาราทิ

[20] นปริตฺตํ ธมฺมํ ปฏิจฺจ ปริตฺโต ธมฺโม อุปฺปชฺชติ เหตุปจฺจยา… เหตุยา ทฺวาวีสฯ

[21] นปริตฺตารมฺมณํ ธมฺมํ ปฏิจฺจ ปริตฺตารมฺมโณ ธมฺโม อุปฺปชฺชติ เหตุปจฺจยา… เหตุยา เตรสฯ

[22] นหีนํ ธมฺมํ ปฏิจฺจ มชฺฌิโม ธมฺโม อุปฺปชฺชติ เหตุปจฺจยา… เหตุยา อฏฺฐารสฯ

[23] นมิจฺฉตฺตนิยตํ ธมฺมํ ปฏิจฺจ สมฺมตฺตนิยโต ธมฺโม อุปฺปชฺชติ เหตุปจฺจยา… เหตุยา อฏฺฐารสฯ

[24] นมคฺคารมฺมณํ ธมฺมํ ปฏิจฺจ มคฺคเหตุโก ธมฺโม อุปฺปชฺชติ เหตุปจฺจยา… เหตุยา ทส [เหตุยา อฏฺฐ?]ฯ

17. อุปฺปนฺนตฺติกํ

7. ปญฺหาวาโร

[25] นอนุปฺปนฺโน ธมฺโม อุปฺปนฺนสฺส ธมฺมสฺส เหตุปจฺจเยน ปจฺจโยฯ นอุปฺปาที ธมฺโม อุปฺปนฺนสฺส ธมฺมสฺส เหตุปจฺจเยน ปจฺจโยฯ นอนุปฺปนฺโน จ นอุปฺปาที จ ธมฺมา อุปฺปนฺนสฺส ธมฺมสฺส เหตุปจฺจเยน ปจฺจโยฯ เหตุยา ตีณิฯ

18-19. อตีตตฺติกทฺวยํ

1-7. ปฏิจฺจวาราทิ

[26] นอตีโต ธมฺโม ปจฺจุปฺปนฺนสฺส ธมฺมสฺส เหตุปจฺจเยน ปจฺจโยฯ นอนาคโต ธมฺโม ปจฺจุปฺปนฺนสฺส ธมฺมสฺส เหตุปจฺจเยน ปจฺจโยฯ นอตีโต จ นอนาคโต จ ธมฺมา ปจฺจุปฺปนฺนสฺส ธมฺมสฺส เหตุปจฺจเยน ปจฺจโยฯ เหตุยา ตีณิฯ

[27] นอตีตารมฺมณํ ธมฺมํ ปฏิจฺจ อตีตารมฺมโณ ธมฺโม อุปฺปชฺชติ เหตุปจฺจยาฯ นอตีตารมฺมณํ ธมฺมํ ปฏิจฺจ อนาคตารมฺมโณ ธมฺโม อุปฺปชฺชติ เหตุปจฺจยาฯ นอตีตารมฺมณํ ธมฺมํ ปฏิจฺจ ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยาฯ ตีณิฯ

นอนาคตารมฺมณํ ธมฺมํ ปฏิจฺจ อตีตารมฺมโณ ธมฺโม อุปฺปชฺชติ เหตุปจฺจยาฯ นอนาคตารมฺมณํ ธมฺมํ ปฏิจฺจ ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยาฯ ทฺเวฯ

นปจฺจุปฺปนฺนารมฺมณํ ธมฺมํ ปฏิจฺจ ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยาฯ นปจฺจุปฺปนฺนารมฺมณํ ธมฺมํ ปฏิจฺจ อตีตารมฺมโณ ธมฺโม อุปฺปชฺชติ เหตุปจฺจยาฯ นปจฺจุปฺปนฺนารมฺมณํ ธมฺมํ ปฏิจฺจ อนาคตารมฺมโณ ธมฺโม อุปฺปชฺชติ เหตุปจฺจยาฯ ตีณิฯ (สํขิตฺตํฯ) เหตุยา สตฺตรสฯ

20-21. อชฺฌตฺตตฺติกทฺวยํ

1-7. ปฏิจฺจวาราทิ

[28] นอชฺฌตฺตํ ธมฺมํ ปฏิจฺจ พหิทฺธา ธมฺโม อุปฺปชฺชติ เหตุปจฺจยาฯ เอกํฯ

นพหิทฺธา ธมฺมํ ปฏิจฺจ อชฺฌตฺโต ธมฺโม อุปฺปชฺชติ เหตุปจฺจยาฯ เอกํฯ เหตุยา ทฺเวฯ

[29] นอชฺฌตฺตารมฺมณํ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ เหตุปจฺจยา… ทฺเวฯ

นพหิทฺธารมฺมณํ ธมฺมํ ปฏิจฺจ พหิทฺธารมฺมโณ ธมฺโม อุปฺปชฺชติ เหตุปจฺจยา… ทฺเวฯ

นอชฺฌตฺตารมฺมณญฺจ นพหิทฺธารมฺมณญฺจ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ เหตุปจฺจยา… ทฺเวฯ เหตุยา ฉฯ

22. สนิทสฺสนตฺติกํ

1-7. ปฏิจฺจวาราทิ

[30] นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นสนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นสนิทสฺสนสปฺปฏิฆํ ธมฺมํ ปฏิจฺจ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยาฯ นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ นสนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ จ อนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยาฯ นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ จ อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยาฯ สตฺตฯ

นอนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยาฯ นอนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… สตฺตฯ

นอนิทสฺสนอปฺปฏิฆํ ธมฺมํ ปฏิจฺจ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… สตฺตฯ เหตุยา ปญฺจติํสฯ (ปญฺหาวารมฺปิ วิตฺถาเรตพฺพํฯ)

ธมฺมปจฺจนียานุโลเม ติกปฏฺฐานํ นิฏฺฐิตํฯ

ธมฺมปจฺจนียานุโลเม ทุกปฏฺฐานํ

1-6. เหตุโคจฺฉกํ

1-7. ปฏิจฺจวาราทิ

[1] นเหตุํ ธมฺมํ ปฏิจฺจ เหตุ ธมฺโม อุปฺปชฺชติ เหตุปจฺจยาฯ นเหตุํ ธมฺมํ ปฏิจฺจ นเหตุ ธมฺโม อุปฺปชฺชติ เหตุปจฺจยาฯ นเหตุํ ธมฺมํ ปฏิจฺจ เหตุ จ นเหตุ จ ธมฺมา อุปฺปชฺชนฺติ เหตุปจฺจยาฯ (3)

นนเหตุํ ธมฺมํ ปฏิจฺจ เหตุ ธมฺโม อุปฺปชฺชติ เหตุปจฺจยาฯ นนเหตุํ ธมฺมํ ปฏิจฺจ นเหตุ ธมฺโม อุปฺปชฺชติ เหตุปจฺจยาฯ นนเหตุํ ธมฺมํ ปฏิจฺจ เหตุ จ นเหตุ จ ธมฺมา อุปฺปชฺชนฺติ เหตุปจฺจยาฯ (3)

นเหตุญฺจ นนเหตุญฺจ ธมฺมํ ปฏิจฺจ เหตุ ธมฺโม อุปฺปชฺชติ เหตุปจฺจยาฯ นเหตุญฺจ นนเหตุญฺจ ธมฺมํ ปฏิจฺจ นเหตุ ธมฺโม อุปฺปชฺชติ เหตุปจฺจยาฯ นเหตุญฺจ นนเหตุญฺจ ธมฺมํ ปฏิจฺจ เหตุ จ นเหตุ จ ธมฺมา อุปฺปชฺชนฺติ เหตุปจฺจยาฯ (3) (สํขิตฺตํฯ) เหตุยา นว, อารมฺมเณ นว…เป.… อวิคเต นวฯ

(สหชาตวารมฺปิ…เป.… ปญฺหาวารมฺปิ วิตฺถาเรตพฺพํฯ)

[2] นสเหตุกํ ธมฺมํ ปฏิจฺจ สเหตุโก ธมฺโม อุปฺปชฺชติ เหตุปจฺจยาฯ นสเหตุกํ ธมฺมํ ปฏิจฺจ อเหตุโก ธมฺโม อุปฺปชฺชติ เหตุปจฺจยาฯ นสเหตุกํ ธมฺมํ ปฏิจฺจ สเหตุโก จ อเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

นอเหตุกํ ธมฺมํ ปฏิจฺจ อเหตุโก ธมฺโม อุปฺปชฺชติ เหตุปจฺจยาฯ นอเหตุกํ ธมฺมํ ปฏิจฺจ สเหตุโก ธมฺโม อุปฺปชฺชติ เหตุปจฺจยาฯ นอเหตุกํ ธมฺมํ ปฏิจฺจ สเหตุโก จ อเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ

นสเหตุกญฺจ นอเหตุกญฺจ ธมฺมํ ปฏิจฺจ สเหตุโก ธมฺโม อุปฺปชฺชติ เหตุปจฺจยาฯ นสเหตุกญฺจ นอเหตุกญฺจ ธมฺมํ ปฏิจฺจ อเหตุโก ธมฺโม อุปฺปชฺชติ เหตุปจฺจยาฯ นสเหตุกญฺจ นอเหตุกญฺจ ธมฺมํ ปฏิจฺจ สเหตุโก จ อเหตุโก จ ธมฺมา อุปฺปชฺชนฺติ เหตุปจฺจยาฯ ตีณิฯ เหตุยา นวฯ

[3] นเหตุสมฺปยุตฺตํ ธมฺมํ ปฏิจฺจ เหตุสมฺปยุตฺโต ธมฺโม อุปฺปชฺชติ เหตุปจฺจยา… เหตุยา นวฯ

[4] นเหตุญฺเจว นอเหตุกญฺจ ธมฺมํ ปฏิจฺจ เหตุ เจว สเหตุโก จ ธมฺโม อุปฺปชฺชติ เหตุปจฺจยา… เหตุยา นวฯ

[5] นเหตุญฺเจว นเหตุวิปฺปยุตฺตญฺจ ธมฺมํ ปฏิจฺจ เหตุ เจว เหตุสมฺปยุตฺโต จ ธมฺโม อุปฺปชฺชติ เหตุปจฺจยา… เหตุยา นวฯ

[6] นเหตุํ นสเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา… เหตุยา นวฯ

7-13. จูฬนฺตรทุกาทิ

[7] นอปฺปจฺจยํ ธมฺมํ ปฏิจฺจ สปฺปจฺจโย ธมฺโม อุปฺปชฺชติ เหตุปจฺจยาฯ เหตุยา เอกํฯ

[8] นอสงฺขตํ ธมฺมํ ปฏิจฺจ สงฺขโต ธมฺโม อุปฺปชฺชติ เหตุปจฺจยาฯ เหตุยา เอกํฯ

[9] นสนิทสฺสนํ ธมฺมํ ปฏิจฺจ สนิทสฺสโน ธมฺโม อุปฺปชฺชติ เหตุปจฺจยาฯ นสนิทสฺสนํ ธมฺมํ ปฏิจฺจ อนิทสฺสโน ธมฺโม อุปฺปชฺชติ เหตุปจฺจยาฯ นสนิทสฺสนํ ธมฺมํ ปฏิจฺจ สนิทสฺสโน จ อนิทสฺสโน จ ธมฺมา อุปฺปชฺชนฺติ เหตุปจฺจยาฯ เหตุยา ตีณิฯ